籽泰考慮到香港人嘅口味，將傳統泰菜嘅味道同辣度稍作調整，亦推出咗唔少由泰菜演變嘅Fusion菜式，同時保留番傳統泰菜嘅風味，可說是別有一番心思，讀者不妨去品嚐下籽泰嘅泰式創意料理！

甜酸辣沙甸魚配即炸蝦片 $72

令人驚喜嘅自家研發FUSION創意小食，將沙甸魚放喺即叫即炸嘅蝦片上面食，好似食緊墨西哥Tacos咁，食法新奇有趣，好有新鮮感！沙甸魚經過泰式香料同醬汁調味，甜酸辣味交雜好開胃，唔食得辣嘅朋友亦可以夾走辣椒

粒先食，配埋脆卜卜、帶少許胡椒味嘅蝦片，喺一道口感有層次、非常惹味嘅餐前同佐酒小食！

豬肉碎生菜包 (配辣椒花及豬皮) $88

一道非常經典嘅泰式小吃，清爽嘅生菜包裹住香辣嘅辣椒花、調味到酸酸辣辣有肉香嘅豬肉碎，非常開胃。炸脆豬皮更令成道菜式口感更加豐富，呢度嘅豬肉碎生菜包喺微辣版，同樣酸辣又惹味！

籽泰船麵 (牛) $82

船麵以細長嘅船麵作為主要食材，搭配嫩滑嘅牛肉，湯底加入泰式特色嘅醬汁同香料烹調而成，香氣十足，令人一食就能感受到泰式料理嘅獨特風味。細長嘅船麵非常有嚼勁，配上嫩滑嘅牛肉、通菜、每日新鮮炸嘅豬皮，口感豐富，非常有飽足感。

泰北咖喱黃金麵 $88

記者重點推介！咖喱湯頭味道超級濃郁，微辣但唔會太過刺激，非常開胃而且十分適合香港人口味。黃金麵以麵粉同蛋黃製成，質地彈牙，呈現金黃色，質地同味道非常適合同咖喱配搭，除咗做湯麵，籽泰亦將部分黃金麵油

炸成脆卜卜嘅硬麵，同煙韌彈牙嘅軟麵一齊食，口感豐富，仲好有蛋香，再加入炸脆嘅豬皮，喺正宗嘅食法！

特色蝦或蟹肉炒飯 (蟹肉) $88

一上菜就俾外觀吸引咗，整碟炒飯上毫不吝嗇地鋪滿大量泰國蟹肉，睇落非常有食慾。配料方面，仲有蔥花、洋蔥粒，甘筍粒，芥蘭粒等，增添炒飯色彩同口感。蟹肉炒飯飯粒鬆軟，蟹肉鮮嫩，喺一道有益又美味嘅主食。

青檸梳打 $32

經典泰式飲品，籽泰用新鮮青檸汁取代青檸糖漿，更加天然健康。青檸梳打酸酸甜甜口感清爽，亦能夠幫助消化，係一款非常健康嘅飲品。

泰國奶茶沙冰 $38

少數餐廳會以沙冰方式呈現泰式奶茶，呢種做法更能突顯呢杯飲品嘅特色，亦能彰顯餐廳嘅用心，值得加分！泰式奶茶甜度適中，茶香味濃郁，口感涼爽，食完辣嘢嘆番杯，清涼又開胃！

籽泰 (荔枝角)

地址：荔枝角深盛路8號碧海藍天AEON超級巿場地下地下L005號舖