距離Wicked part 1已經過咗一年嘅時間，故事的下半場都冇令我失望，將呢個喺音樂劇界上演咗20幾年嘅感動故事延續到電影屏幕上，其實wicked 係有一定嘅觀影門檻，你需要知道綠野仙蹤的故事，因為佢係基於綠野仙蹤改編成音樂劇，佢嘅成功之處就係在於將每一個綠野仙蹤裏面嘅人物重新塑造咗一次，但又非常合理，佢討論咗關於好壞嘅問題，令到觀眾去思辨究竟乜嘢係好乜嘢係壞？壞女巫Elphaba一直為善，但係因為眾人嘅偏見好輕易就被宣傳為壞女巫，而好女巫Glinda 奉行住受歡迎即是王道嘅宗旨，喺故事裏面佢並冇出於乜嘢善心去做好事，但係就因為佢受歡迎，喺宣傳之下好輕易就受到眾人嘅愛戴，其實係隱喻緊現實中嘅政治人物佢嘅公眾形象宣傳，而呢個故事嘅感動之處，正正係呢兩個咁相反嘅人之間嘅感情友誼，即使大家有唔同方向仍然衷心祝願對方能夠幸福，達成自己嘅目標，引用電影對白《無論我倆的故事 如何劃下句點我都要你記得 因為你願意當我的朋友而改寫了我的人生》，故事嘅最後一直想改變奧茲國嘅Elphaba始終都係冇辦法改變人民嘅觀感，只能將希望寄托於好朋友Glinda自己假死遠走他鄉，最後真正改變到奧茲國嘅人反而係冇魔法冇實質做善事嘅Glinda，好彩Ginda亦願意嘗試for good真正做到用自己嘅影響力去令奧茲國變得更好，現實中可能有Elphaba，敢於對一些不公現象去反抗，但係同故事一樣，佢哋能否成功？亦好可惜現實中未必會有glinda 身在高位但行好事，但改編成電影的而且確令兩人之間的友誼令人更加感動，喺畫面上做到音樂劇做唔到嘅衝擊感，如glinda在婚禮上幸福的場面同時間Elphaba在地下室發現動物被囚禁的真相，兩者進行畫面切換對比，以及glinda認為自己建立在謊言上的泡沫終會破裂時畫面在不同鏡中來回穿插非常之流暢，效果驚豔，Wicked 電影係送俾音樂劇粉絲可以喺大屏幕以唔同嘅方式帶來同一份感動嘅禮物。