旺角新食點隱世高質火鍋店 - 火鳳凰點心火鍋料理-SHINING

套餐A $198

套餐A 喺一道刺身拼盤，分別有阿根廷火紅鮮蝦 (三隻)、挪威三文魚 (三片)、日本直送油甘魚 (三片)、日本鮮帶子 (三片)。日本帶子同鮮蝦刺身鮮甜，香港人最愛嘅三文魚刺身毫不吝嗇切到大大片，油甘魚亦好新鮮。打邊爐食到個人熱辣辣，呢道刺身拼盤喺解溫之選！

套餐B $398

套餐B有原條花尾斑 (起片) 同手切Prime頂級牛小排 (例)。

花尾龍躉每日漁市場新鮮採購，即叫即劏，原條去骨起片，呢個體型嘅花尾斑非常適合做火鍋，魚片肉質鮮美爽滑，魚皮厚糯滑溜而且充滿膠質，魚頭同魚尾更可放湯底入面煮成魚湯，而且花尾斑擁有「海中石斑魚之王」美譽，有豐富蛋白質同膠原蛋白，喺女士保持皮膚彈性嘅恩物！而手切Prime頂級牛小排更無需多說，獲得安格斯CAB認證嘅Prime極佳級牛小排，屬於美國農業部(USDA) 牛肉裡最高等級，選用年齡低於42個月年輕牛隻，豐富大理石油花，完美脂肪比例，油花分布均勻，而牛小排位置天然肉香味濃，口感柔嫩而且入口即化，雖然喺例牌，原來份量咁多！咁樣大大份頂級Prime牛肉，加上原條花尾斑都只需$398，真喺超級抵食！

套餐C $698

套餐C 包括鮮椰子滋補雞鍋 (半隻) 、原條加拿大象拔蚌 (細) 、手切安格斯牛頸脊 (例) 。

鮮椰子滋補雞鍋已經包括火鍋湯底，讀者亦可以好似記者咁揀鴛鴦湯底，一邊享用椰子雞鍋，另一邊再挑選一個湯底打邊爐。鮮椰子滋補雞鍋湯底用椰子水熬製，十分清甜，雞肉選用清遠走地雞，雞件肉質細膩滑嫩，湯醇味鮮，絕不遜色於香港坊間椰子雞鍋專門店！記者建議先飲湯食雞，再用湯底打邊爐，呢個湯底亦好適合烚海鮮，更能帶出海鮮嘅鮮甜。另一道加拿大象拔蚌，係象拔蚌中嘅頂級！飽滿多肉，淡淡海水味但絕對唔會腥，口感爽脆，味道鮮甜。雖然細條象拔蚌，但起咗片份量一啲都唔少！手切安格斯牛頸脊係牛嘅後頸肉，牛味濃郁，而且肥瘦均勻，加上運動量大，所以肉質結實而有咬口，恰到五成熟食用啱啱好！

套餐D 澤手海鮮盛 $398

海鮮拼盤從十二種海鮮中挑選六款，日日唔同款式，讀者落單前可以先詢問下當日款式。今次有脆肉貴妃蜆、游水海生蝦、鮮味台山蠔、甜美大蜆、細愛爾蘭蟶子、大連鮮鮑魚，每款各有四隻。出外食海鮮最怕喺唔新鮮有腥臭味，火鳳凰供應俾食客嘅海鮮全部都好新鮮，非常有質素！蜆類味道鮮甜咬落冇沙，貴妃蜆內臟亦清理得好乾淨，煮一分鐘撈起，鮮甜爽彈！游水海生蝦口感Q彈扎實，蝦味濃郁。台山蠔喺蠔中上品，賣相飽滿雪白，有淡淡海水味，肉質肥美軟嫩，味道非常鮮美。愛爾蘭產嘅蟶子出名肉味鮮美，體型肥大，足部肌肉特別發達，鮮美嘅竹蟶，口感豐富，軟硬度適中，放入火鍋湯底稍加烹煮，蟶肉鮮香酥糯；大連鮮鮑魚味道口感亦爽嫩鮮甜。一個豐富嘅海鮮拼盤已經可以滿足曬食海鮮嘅慾望！

套餐E 佳選牛大哥 $398

套餐E喺牛肉拼盤，分別有美國封門柳、安格斯牛肩胛、高級牛板腱。基本上每一枱食客都有叫呢個套餐，仲要以一隻牛嘅造型上菜，記者真喺被驚艷到！美國封門柳脂肪唔多但肉味香濃，切成薄片嘅封門柳，口感細嫩，肉味濃郁，油花較少，作為火鍋風味絕佳！安格斯牛肩胛肉質厚實而軟嫩，油花細緻均勻，脂肪含量適中；高級牛板腱肉質較紮實，牛肉風味濃厚，中間帶一條筋，多咗一份Q彈嘅口感。每一塊厚度均勻適中，份量好多，足夠3-4人食用，重點推介俾鍾意食牛嘅朋友！

蒙古麻辣鍋湯底（$128）

除咗以上晚市特價套餐，記者仲叫多咗一個蒙古麻辣鍋湯底（$128），添入孜然、枸杞、蒜頭多樣嘅中藥材同辛香料炒製，一開始喺隱隱嘅辣，慢慢竄出香料香氣，溫潤及多層次辣感喺多數人都能接受嘅味道，湯底一滾起麻香辣味撲鼻而來，湯底內亦配有鴨血、蜂巢豆腐等材料，蜂巢豆腐索曬麻辣湯汁，非常惹味！烚牛肉同丸類味道極佳，重口味人士必試！